الإثنين , يناير 30 2023

الإشراف العام : أحمد عاشور

فى حفلات راس السنة.. الوافل البلجيكي يسعد عائلتك 

الحلوى ضيف عزيز فى جميع الحفلات… وليلة راس السنة سيكون اعداد الوافل البلجيكي واحد من الأكلات التى ستسعد الجميع وتقدم الشيف “نسمة يسري” الطريقة بخطوات سهلة.. وتنصح الشيف بمتابعة قناة Crumbite لاحتوائها على الكثير من الوصفات التى تناسب حفلة راس السنة

المقادير

٢٥٠ ج دقيق جميع الأغراض (٢ كوب )

٢ بيضه

١٢٠ مل لبن دافئ (١/٢كوب )

٥ جرام خميره

٢ ملعقه كبيره سكر

رشه ملح

٧٠ج زبده بحراره الغرفه (١/٣كوب )

الطريقة

فى البداية نضيف الدقيق الخميره والسكر ونقلبهم جيجا وبعدها البيض ورشه الملح ونضيف اللبن الدافي بالتدريج ونعجن لحد ما نخلص كميه اللبن كلها بعدها نضيف الزبده بالتدريج ونعجن تاني

العجينه بتكون sticky وقريبه للقوام السائل شويه

نعجن بالعجان تقريبا ٥ دقايق علي سرعه متوسطه او بالمضرب الكهربائي او بمعلقه خشب

بعد كده نغطيها ونسيبها تخمر ساعه في مكان دافي

بعد كده نشغل ماكينه الوافل لحد ما النور الاخضر ينور كده بتكون سخنت

ندهنها زبده ونضيف بالمكيال الوافل تقريبا نصف كوب معياري

نقفل الجهاز ومنفتحش خالص غير لما الجهاز ينور اخضر تاني كده بتكون الوافل جاهزه

انا بحبها تكون متحمره زياده فبسيبها نصف دقيقه كمان بعد ما تجهز

قدموها بالطريقه اللي تحبوها مع نوتيلا وايس كريم او مع صوص كراميل او عسل وفواكه لترضى أذواق جميع أفراد العائلة

عن 7awi

شاهد أيضاً

إفتتاح مطعم “ماما ميا” أهم مطعم إيطالي في الشرق الأوسط برعاية شيف ميمو روما

إفتتاح مطعم “ماما ميا” أهم مطعم إيطالي في الشرق الأوسط برعاية شيف ميمو روما كتب/سعيد …