الأربعاء , مايو 8 2024

الإشراف العام : أحمد عاشور

واكلين فى دماغنا عشان تفاهات”..تتر “رامز جاب مالآخر” بتوقيع محمد البوغه

“فاضيين إحنا لقصف الجبهات”.. محمد البوغه يوجز شعور الجمهور تجاه خناقات المشاهير في تتر “رامز جاب مالآخر”

 

” واكلين فى دماغنا عشان تفاهات”..تتر “رامز جاب مالآخر” بتوقيع محمد البوغه

 

محمد البوغه يكشف كواليس تتر “رامز جاب مالآخر”

 

 

يجدد الشاعر الغنائي محمد البوغه تعاونه مع النجم رامز جلال خلال تتر برنامج المقالب “رامز جاب مالآخر” الذي يعرض خلال شهر رمضان الكريم، ذلك بعد ان تعاونا سابقا في تتر البرنامج على مدار مواسمه المختلفة.

 

ويقول محمد البوغه عن تتر “رامز جاب مالأخر”:” نقدم هذا العام تجربة كوميدية مختلفة بالتجديد فى المفردات لتصف حال الجمهور الذي يتابع خناقات المشاهير والتريندات المختلفة، ونتناول الموضوع بشكل طريف”.

 

ويتابع البوغه:” هناك كيميا خاصة بيننا كفريق عمل لتتر برامج رامز ونحرص كل عام على تقديم الجديد، وبشكل خاص الكتابة لرامز تمنحني مساحة خاصة ربما لا تتوفر خلال كتابة الأغاني العادية، فالموضوع نفسه يسمح بالخيال والهزار فهو برنامج مقالب هدفه إسعاد الجماهير”.

 

ويقدم رامز جلال هذا العام في “رامز جاب مالآخر” فكرة مختلفة عبر تواجد شخصين مشهورين في المقلب بينهما خلاف معروف لدى الجمهور لما حدث بينهما من تبادل تصريحات عبر البرامج المختلفة والسوشيال ميديا.

 

وعبر الشاعر محمد البوغه عن الحالة التي يقدمها البرنامج هذا العام عبر التتر الخاص به، الذي لحنه محمد عبد المنعم، وتولى التوزيع الموسيقي له أحمد عادل، مكساج وماستر أمير محروس.

 

وتقول كلمات تتر البداية :

يظنون أن التريند .. بالخناق والعند

ومن أقوالى الشهيره :

ولا بسلامتك بيكيه

ولا بسلامتك شاكيرا

 

حوارات .. حكايات

واكلين فى دماغنا عشان تفاهات

حوارات .. حكايات

فاضيين احنا لقصف الجبهات !

ده يشيط .. ده يزيط

وده فى التلقيح قال يعنى حويط

هارشين .. قاريين

طالعين على قفا غيركو تريندات

 

 

بلا بلا بلا بلا ظيطه

مش ناقصه حوارات عبيطه

على على على ع الهادى

يتظبطوا أحلى تظبيطه

ولا ولا ولا فارقالى

أنا الشقاوه دى مجالى

كده كده كده خلصانه

يا شقيقى سهله وبسيطه

 

رامز جاب م الأخر اتاخر

واظبط نفسك منك ليه

هنا بالصلاه ع النبى هتحاسب

على حواراتك .. ملناش فيه

 

هاتوا الكلب الألمانى

هاتوا دى ناس مش سالكين

شكلى اما بطول بالى

بيزيطوا ويعملوا ناصحين

هاتوا الكلب الألمانى

هاتوا دى ناس مش سالكين

شكلى اما بطول بالى

بيزيطوا ويعملوا ناصحين

هزه الهزه هيتهز ولو جز إديله على عينيه

طير كل اللى يقير كسر مش هنسمى عليه

يا لهوى .. يا لهوى .. يا لهوى .. يا لهوى .. يا لهوى

يا لهوى .. يا لهوى .. يا لهوى .. يا لهوى .. يا لهوى

فك الدنيا معاك تتفك وسلك نفسك مش فاضيين

إسلك منك له له ليها يا إما هتفضلوا هنا بايتين

 

هاتوا الكلب الألمانى

هاتوا دى ناس مش سالكين

شكلى اما بطول بالى

بيزيطوا ويعملوا ناصحين

اللى مبيجيش ع الهادى

ييجى بحبة تكدير

لما يشوفوا وشى التانى

هيقولوا أسفين يا كبير

شكل النفسيه خرابه

شكل النفسيه جحيم

جيبوا من الأخر وقتى

يا إما مصيركو هيبقى أليم

رامز جاب م الأخر”.

 

وتعاون محمد البوغه مع رامز جلال في كتابة تترات عدد من برامج المقالب، حيث كتب له من قبل تترات البرامج:”رامز واكل الجو، رامز بيلعب بالنار، رامز تحت الأرض، رامز تحت الصفر، رامز في الشلال”، “رامز مجنون رسمي”، “رامز عقله طار”، و”رامز نيفر إند”، إلى جانب تعاونهما سينمائيا في أغنية فيلم “كنغر حبنا”.

 

وطرح من كلمات محمد البوغه مؤخرا الأغاني “مضحوك علينا”، “واخدين راحتهم”، “خلص على قلبي” للنجم عمرو دياب.

عن ahmad ashour

شاهد أيضاً

مهرجان الجينيريك الذهبي يهدى دورته الثانية الى غزة

مهرجان الجينيريك الذهبي يهدى دورته الثانية الى غزة الحشاشين لكريم عبد العزيز ينافس بقوة على …