موقع فن شو
مقالات مشابهة
تعرض المؤلف د. مدحت العدل للهجوم من قِبل رواد السوشيال ميديا ، بسبب تنمره على المطرب سعد الصغير، و يرجع ذلك عندما كتب“العدل” بعض الكلمات خلال الحساب الشخصي عبر موقع التواصل الإجتماعي “Twitter “، و التي سخر من خلالها من المطرب الشعبي“سعد الصغير ” و جماهير النادي الأهلي ، حيث قال ” الجمهور اللي منه نجيب محفوظ، وأحمد زويل، ومجدي يعقوب، ومثقفي وفناني مصر ، مش هيعرفوا فاوست.. وصاحب أغنية (بأحبك ياحمار) سعد الصغير مشجع أحد الأندية العربية هيعرفه.. يا أمة ضحكت من جهلهاالأمم“.
و رد المطرب “سعد الصغير ” من خلال فيديو نشره على صفحته الشخصية عبر موقع التواصل الإجتماعي “Instagram” قائلًا فيه :” لوراجل غلبان بيقول الكلام ده هنقول مش فاهم، لكن أنت راجل فاهم.. أنت عارف يا دكتور بحبك يا حمار اتقالت في سياق فيلم، لما تطلع و تغايرنا بيها يبقى إيه ده؟”.
وأضاف: “طب عارف إن شادية ، وشكوكو، غنوا للحمار، أنت بتعمل تنمر وأنت دكتور، واللي أبوه علمه أحسن من اللي معاه شهادة، شوف بتتكلم عني إزاي، لكن أنا أبويا فلاح علمني متنمرش على حد، وأصلا أنت متعرفش حاجة في الكورة، لأنك مبتلعبش، لو فريقك مغلوب متعرفش تطلع تحلل وتقول مين اللي لعب وحش”.
وأردف: “لو بتعايرني يبقى أنت مش دكتور، نص فرقة الزمالك أنا اللي عاملهم فرحهم وبيحبوني موت لأني عمري ما أغلط فيهم، أنا دبلوم صنايع مبعرفش اقرأ بس أبويا علمني، وأنت اتعلمت بالورقة والقلم، حاول تتعلم من الكلام”.
وقال العدل في مداخلة هاتفية عبر برنامج المساء مع قصواء على شاشة TeN: “لم أتزيد على أحد، وحد في قناة الأهلي قال إن جماهيرالزمالك عاملة زي فاوست، في إشارة إنها بتبيع نفسها للشيطان، زي ما ذكرت أسطورة جوته، فرديت وقلت التويتة بتاعتي“.
وأضاف العدل: أعتذر بشدة عما حدث، وأعدك ألا أدخل في هذا المعترك، لأنه يقلل من قيمتي.
وتابع: مستغرب جدا من فرحة البعض بهزيمة الزمالك من فريق المقاولون العرب، وبقالي 3 شهور مش برد على أي إساءة ولا بتكلم في حاجة.
